Raastay

Raastay,

 Dushwaar ya hamwaar nahin hotay

Raastay tu bas raastay hotay hain

Dushwaar aur hamwaar tu haalaat hotay hain

Tum saath ho tu dushwaar raasta bhi hamwaar lagay

Tum saath nahi tu aasan raasta bhi dushwaar lagay

Raasta mushkil ho

Kathhin ho

Lamba ho

Ya phir 

Us k aakhir pe koi manzil na ho..

Main aankh se daikhun 

Ya nazar se daikhun

Tumhi raasta ho..

Tumhi manzil ho..

Apne andar reh k daikhun

Tab bhi tum hi ho..

Andar se bahar nikal k daikhun

Tab bhi tum hi ho..

Tumhara hona bhi

Tum hi ho...

Tumhara na hona bhi

Asal mein tum hi ho...